Grad Job 系列： Compliance前景同職責？入銀行定Regulator好？

Compliance 既Grad Job Head Count 每年都好穩定而且前景不錯。香港作為國際金融中心自然需要遵守唔同國際監管機構既要求，而因為監管條例愈來愈多及複雜，所以Compliance職位種類多左，而且工作地位高左。 你會係呢篇Article裏面搵到Compliance 主要既職責同埋銀行同Regulator既分別。 簡單黎講，Compliance既角色係確保銀行既交易同埋行為係符合監管機構規定。 ❗銀行Compliance職責： 係銀行裏面，Compliance Division有好多唔同Team：如AML（Anti Money Laundry）係負責預防洗黑錢相關工作；KYC(Know Your Client)係了解客人資金來源及背景等，簡單黎講就係查家宅，呢個工種做既野會比較鎖碎，前景冇咁好；Product Compliance就會確保銀行既產品同銷售行為冇觸犯規例，產品可以合規地推出市面，而唔同既Products／Divisions都會有一條Compliance Team，如Trading Floor 既Compliance，或者Wealth Man Product 既Compliance。 ❗Regulator Compliance職責： Securities and Futures Commission (SFC)、Hong Kong Monetarry Authority (HKMA)、The Stock Exchange of Hong Kong Limited (HKEX) 係香港主要既金融監管機構。HKMA 跟從Basel條例，主要係監管零售同商業銀行既運作；而SFC跟隨IOSCO 條例就主要監管投資銀行產品同服務。同時SFC同HKMA 係本地policy maker, 會制定監管指引；而HKEX 就主要監管前線交易過程及審批IPO 發行。 ‼️銀行Compliance Vs. Regulator Compliance 好多同學仔會覺得銀行Compliance Team會比較好，起薪高又好似學到多啲Banking Operation同Product Knowledge，但其實係SFC、HKMA、HKEX工作都有好多好處，因為當你係監管機構工作，對家就會係銀行既Compliance team，而你會接觸到整個監管程序, 學到既會比較全面。係4至5年後，當你儲夠工作經驗時，你個人既Profile就會變得好搶手。因為市面上可以有好多4-5年工作經驗既Compliance 人材，但由監管機構出黎又有經驗既就較少，所以呢類Profile會較吃香。 至於人工方面，以Fresh Grad MT黎講，各大銀行出手幾好，有30-40K、HKEX同HKMA人工都有30K以上，而SFC就25K左右。 👉如果想Download ApTest，CV Samples，MT SalaryList等等，可以去：https://www.hkcareers.hk/coachinfree 👉如果想了解多啲其他面試Tips，可以去：https://www.hkcareers.hk/blog