top of page

ChatGPT 及 AI點樣幫助大學生搵工？減少報工成本 提高效率及成功率


【唔喺掛？你仲喺人手慢慢報？】今年最重要嘅一件事，莫過於AI工具好似ChatGPT等嘅面世，為人類處理好多瑣碎乏味嘅工作。AI工具嘅應用咁廣泛，甚至喺大學生報工搵實習上都非常有用！今日HKCareers💡就想為你介紹吓ChatGPT可以點樣幫助你✅減少報工成本、✅提高效率及✅成功率！如果你唔想自己報工時遙遙落後，喺人地報咗十幾份工時，你先仲做緊第一份，咁你就一定要Save低同好好使用呢個Post啦！

.

🙆🏻‍♂️【AI工具點樣幫助你搵工】：

今日就等我地詳盡咁跟隨整個報工流程，睇吓你可以點樣應用ChatGPT等AI工具：

▶️由寫CV開始

相信同學平時寫CV/CL時✍️，都會運用唔同AI軟件幫自己去做Grammar Check。但新嘅AI工具唔單只可以幫你檢查文法，甚至可以幫你draft曬成份CV/CL👏！只要你俾足夠嘅指示佢，一份CL就可以係短短嘅幾秒內產生出黎😱（仲可以俾幾個關鍵字佢，令份CL更貼合自己嘅寫作風格！）同學可能要加以修改再使用，但依然可以幫你慳到好多時間，唔需要由頭做起！

.

▶️幫你準備Application Essay

除左CV/CL，好多時同學仔都要寫Application Essay。你可能就會上網去搵個間公司嘅資料，慢慢閱讀同消化資料再去寫🤔，但依家如果你用呢啲AI工具去幫你起draft，又可以慳到好多時間！例如你可以問佢面試必問題，如：「Why JP Morgan？」咁ChatGPT就可以利用為你整理好資料，你就可以根據AI工具嘅答案再加上自己嘅Insights，咁寫咩都無難度啦👍

.

▶️幫你準備Video In/HR In

Video/HR In問得最多嘅通常都係一啲Behavioral嘅題目，同學可以嘗試叫ChatGPT等AI程式去幫手draft一個basic嘅script，做grammar check等

.

▶️Technical Prep

最後值得一提嘅係好多時候投行嘅面試都會有Technical Qs，而同學如果唔識做嘅話，就要喺google上面左揾右揾，用時間過濾一啲錯或唔精凖既資料。但依家你只要直接將條題目打落AI工具度🤖，就可以得到答案。但當然，暫時個database未必去到咁完整，俾到你嘅答案都只係網上有嘅資料，好多iBankers嘅insights仍然比佢為之優秀，同學可以用ChatGPT去慳時間，但如果只喺用佢，依然會有好多遺漏

.

🙅🏻‍♂️【AI工具嘅限制】：

雖然話AI工具真喺極其好用，但同學亦唔可以將其當做喺萬能藥💊。反而可以將使用ChatGPT等工具所慳出嚟嘅時間，放喺以下地方，令自己喺報工之上更加順利！

.

▶️記住去見工做AC嘅，始終喺你：AI或者可以幫助你寫出好唔錯嘅Interview Script🤩，但喺到時去同公司溝通面試嘅始終喺你！有完美嘅Script唔代表你可以做到完美嘅面試，同學依然要花時間去做面試練習。HKCareers甚至估計，喺AI大行其道之時，投行/銀行/公司將會更加難去評核同學嘅真實能力🥵，為左挑選真喺有料嘅同學，佢地好有可能增加Case Discussion、Role Play等環節，評核你嘅溝通同即場反應能力，呢啲亦正喺AI無法代人類去做嘅事情

.

▶️AI工具生成嘅答案較單一化：上文都講左好多次，雖然科技嘅進步可以令同學加快自己報工嘅效率，但實際上佢哋生成嘅答案都需要同學自己把關，加以修改。而你都只能靠自己去發掘一啲上網搜尋唔到嘅insights/現實生活中嘅practice💪🏼。加上，目前AI工具只能夠根據佢哋過往所擁有嘅database去生成答案，所以你都要自己根據最udpate嘅市場資訊同埋趨勢去調整下，咁先可以係面試上面展示到俾面試官睇你有好用心咁留意market news🌐（例如ChatGPT只係受過2021年前嘅data訓練，所以佢並唔知最新發生嘅market news架！）

.

好好利用科技，確實可以令我地嘅人生輕鬆好多😌。而當AI學習更為人類提高更好嘅服務時，我地都要學識有咩可以用/無法用AI做到，進而集中火力去鍛練自己呢啲部分，咁你就自然可以跑贏其他同學好幾條街！

.

不過就咁講可能都有啲空泛，HKCareers就決定舉行一個Workshop，為你Demonstrate點樣利用ChatGPT去實際進行報工所有環節🤩！如果你都想知道AI可以點樣幫助你報工，咁就一定要去Bio條Link報名參加！

.

【How to use ChatGPT to facilitate your job hunting? A Step-by-step Guide & Demonstration】

🗓日期：23年3月9日（四）

⏰時間：9pm (HKT)

名額僅限100人，先到先得。快啲去Bio條Link報名啦！https://bit.ly/ChatGPTWebinar20230309

到時見💡🥰！

.


Categories
Recent Posts
Archive
Follow Us
  • Facebook Basic Square
bottom of page