MT/ Intern 報名策略及時序

如果有留意Job Opening既同學，應該留意到今年 iBank 比起上年提前左差不多大半個月開Job App，例如： Goldman、 Morgan Stanley，而PwC都己經前幾日開左Job App。 係前兩年，同學都可以話8月尾先開始準備，但今年 iBank 係同學未做好準備既時間已經開始Job Opening，究竟同學仔要幾時開始準備搵工？ 首先我地由銀行業講起： 一般來講所有大型銀行既Grad Job 都會由 Sem 1，9月至12月開始出Job Application ，例如：恒生、HSBC等。特別要留意佢地採用Rolling Basis呢個策略，所以唔好等到最後一刻先報。同學如果Deadline前報，可能仲有Opening但未必有headcount。 雖然話主要比較出名既銀行都集中係Sem 1 出Application，如果同學Sem 1 都未有Offer都唔洗放棄。 2nd /3rd Tier 既銀行會陸陸續續係Sem 2 開Job Application，例如： Soc gen、Credit Agricole 、中資iBank或者中資銀行：CCBA /ICBC 等都會過左sem1或者sem 1尾先有Opening，所以Sem 1未有offer都吾好氣餒，同學係Sem 2 都有發揮既機會。 對大部份同學仔黎講，最辛苦會係Sem 1，9月至11月，因為所有既大機構都係呢段時間有Job Opening。 除左Banking之外，9月陸續開始會出Application 既仲有 Big 4，Property 同conglomerate。 Big4 既Application 會係八月或者九月頭，佢地Deadline一般會係九月尾十月頭左右，所以同學要記住按Deadline 交Job Application。而佢地會有時有2nd Batch 既 Recruitment會Sem 2 出，因為會有第一Batch既同學放棄Offer，Sem 1 未有Offer既同學都仲可以等第二次機會。 而Conglomerate：P&G /Swire/Jardine/L’Oréal /Bloomberg等，Job Application 時間會比較不一，但主要集中係Sem 1。 最後，Property 佢地通常都會比較遲出，大概係10月至11月，所以佢地派Offer 既時間都相對比較遲，5-6 月都有機會仲出緊Offer, 如New World Group, Hopewell等。 咁year 3 既同學，除左有Summer Internship之外，唔好忘記仲有Winter Internship。Summer Internship 主要會係Sem 2 有Opening，但Winter Internship 就由10 月開。而Winter Internship Recruit Process歷時比較短，用大概一個月就可以Confirm Offer，同學12月中就已經開始番工。 最後，海外讀書既同學仔，恒生/HSBC/新鴻基等都會有另一個Program 比你地。Overseas 同學可以4-5月報佢地Oversea Program，6-7月佢地就安排Interview，方便同學番黎香港。 睇完記住比個LIKE支持下我地。