「移民」係大學生熱搜Key Word？

聽講近半年「移民」成為大學生Google熱搜關鍵詞，唔只係咁，最近小編係IG Story問大家有咩目標時，有唔少同學都話想移民，雖然小編都希望大家都可以一齊留係香港撐落去，但係如果同學都係想拎多本護照係手，點做先係最成功嘅移民方法？ .

1️⃣靠爸爸 (能量值：💰💰💰💰💰）

好似無論係大學生如何最快買到樓，定係如何最快移民，靠爸爸都係最便捷嘅方法。如果爸爸有金有心，咁你隨時可以投資移民，貴貴地投資加元100萬可以去加拿大（加拿大其實有勁多個Plan，有心人可以仔細研究下），平平地投資新台幣600萬元（約152萬港元）又可以去台灣，真係天上地下，任君選擇🤗

.

2️⃣去讀Master再搵工？(能量值：💰💰💰💪🏼💪🏼）

如果你或你屋企未有錢到可以投資移民，但都可以俾你去到讀Master的話，都可以計劃下。而讀Master最受歡迎嘅就一定係英國，不過呢個方法最大嘅問題在於畢業後未必咁易會申請到working visa，而且好多同學都做得唔夠多準備，去到Master讀左一半先開始諗有咩工可以搵。其實係你報Master嘅同時，已經要諗定有咩工作可以報，你讀個科係個別國家係唔係好需要人等等。

.

3️⃣去Working Holiday？(能量值：💰💪🏼💪🏼💪🏼💪🏼）

如果你唔想俾錢出去，而係想搵錢，可以考慮下透過working holiday搵份好工，聽曬腦細話，Build好關係，希望佢鍾意你之後就會幫你申請working visa等你留低⋯⋯不過呢個選項嘅成功率有幾高，大家真係可想而知⋯⋯

.

4️⃣搵份有機會Rotate去不同Office嘅工 (能量值：💪🏼💪🏼💪🏼💪🏼💪🏼）

其實咁多個方法入面，小編覺得最實際嘅都係搵間國際大公司去做，係世界各地都有base可以relocate，咁你就有機會順便移民。好似係Big 4咁有Secondment，之前都有人試過因此去左澳洲、英國及美國等，但當然你嘅表現亦要有返咁上下水評，當地個Office先會願意係兩年後留低你，唔發還你返香港🛫其他例子仲有Bloomberg、Google及Facebook，出左名國際化嘅公司都會易啲rotate去世界各地嘅Office🌎

.

如果以上方法都唔係咁岩你，咁我地就一齊留係香港努力啦😝。睇完記住俾返個Like♥️小編🥰 #hkcareers #AchieveWithUs #hkcareers2019dec #hkcareersPlanning