一條面試問題定生死！如何準備面試必問題：「疫情對經濟、行業及公司嘅影響？」

你知唔知道最近有一條問題可以決定面試結果，甚至係你拎唔拎到Offer？😱無錯，呢條問題就係：「疫情對經濟、行業及公司嘅影響係咩？公司可以點樣渡過難關？」係目前嘅市況之下，公司請人除左期望你能協助公司營運外，仲會希望你可以幫助到公司逆市求生，甚至係發展！所以大家必須要準備好點樣回答呢條問題，如果答唔出，隨時令面試官覺得你係一個對市場消息及公司發展毫不關心嘅人，咁就想拎Offer都難啦！係今篇文入面HKCareers將會教大家點樣準備同疫情及經濟相關嘅問題，等你地可以順利完成所有面試，增加拎到Offer嘅機會💪🏼！

.

首先，思考點樣回答呢條問題時，可以從以下三方面作準備：疫情對環球經濟、你面試嘅行業或公司嘅長短期影響。

⭕️疫情同環球經濟嘅關係： 疫情對環球經濟有負面影響就大家都有預算啦，但究竟係幾差呢？係面試期間，大家要令到面試官知道你對Market有幾深嘅理解，可以嘗試背定一啲研究或數字作為support，例如：

🔹係經濟發展方面：經濟合作與發展組織（OECD）最近就警告，係疫情影響之下環球經濟今年或會出現2009年以來最慢的增速。

🔹係環球股市方面：如果大家都有留意住環球股市，亦可以發現最近股市起跌之大，好似標普500指數係3月9日、3月12日及3月16日3次跌到觸發美股市場的既定溶斷機制

🔹黃金價格：黃金常日被指為「資金避難所」，而最近金價真係水漲船高，表示投資者擔心疫情會持續影響環球經濟同消費者需求，所以紛紛買金避險！大家不妨係面試前望下當日嘅金價係點，答問題有需要時就可以直接引述數字！

.

⭕️疫情同個別行業或公司嘅關係：

咁當然，除左對環球經濟影響外，面試亦好有可能問及疫情對個別行業及公司嘅影響，大家係面試前記得先study下！特別係以下幾方面：

🔹行業或公司邊啲業務最受影響：以銀行業為例，Retail Banking（大家都避免出街，銀行分行自然無生意！）同IBD （疫情令到經濟同股市唔好，大家變得保守，自然令到IPO / M&A減少！咁樣IBD生意當然會正面受到影響！）受嘅影響一定大，而係地產方面最受影響一定係零售租務Retail Leasing，不過最近亦開始有數字指出，連office leasing都受到影響

🔹視乎疫情幾時消失，對公司帶來嘅影響可能係短期或長期，如果疫情係短期內消息當然最好，但如果疫情變為長期，令到環球生產力、消費及投資意欲難以回復，咁樣又會對公司帶來咩影響？例如如果疫情短期內消失，地產發展商係租務上嘅損失可以好快回復，但如果疫情長期持續，經濟再轉差，樓價好可能會跟住回落，咁樣地產發展商可能就會Hold住唔推出新樓盤，影響賣樓部Sales and Marketing嘅生意

🔹個別公司已經採取左咩方法去抗疫或處理疫情對業務嘅影響？佢地嘅策略成功嗎？如果要你俾意見佢地進一步改善現有策略，你會建議公司做咩？例如個別地產商而家有無減租，佢地商場嘅空置率而家係點？

🔹你建議公司可以採取咩方法去轉變營運模式，度過呢個危機？記得係呢方面亦可以分為短期及長期兩方面尼分析！

.

最後俾多個溫馨提示，除左疫情對經濟嘅影響，記得留意住每日嘅確診數字同疫情發展，咁樣有助我地估算疫情會係短期定長期消失，而且係不同地方出現多人確診會直接影響不同行業！例如最近有好多感染個案來自酒吧或婚宴，呢兩個行業就影響甚深！大家都希望唔會多人確診嘅個案出現係自己面試嘅公司或行業⋯⋯所以大家都要乖，盡量唔好成日出街，係外國返尼都要守足14日隔離🙂如果你有朋友將會面試，記得Send篇文俾佢睇睇，叫佢一齊Follow #hkcareers #achievewithus #hkcareersInterviewTips #hkcareers2020mar