2021/22 報銀行工有咩要注意？邊啲Team有Headcount?
如果同學Follow左HKCareers超過一年，就會記得匯豐係上年4月時全面停止Intern及Grad Job嘅招聘計劃，當時呢個措施反映咗匯豐對市況幾無信心！距離上年HSBC叫停招聘將近一年時間，匯豐又有最新嘅發展策略公佈，計劃將Senior Mgnt由倫敦Canary Wharf調返尼香港（或新加坡），重整銀行發展策略！銀行嘅發展方向，會直接影響佢地嘅請人策略！係呢篇文入面，你會睇到1️⃣2020/21匯豐Intern/Grad Job請人進度2️⃣匯豐嘅最新發展點樣影響你報工3️⃣2021/22 報匯豐或其他銀行點增加成功率！快啲Like完再睇落去！
.
💡2020/21匯豐Intern/MT請人進度係點？
首先同你報告下，匯豐Intern/MT目前請人情況：
1️⃣大部分Offer已出！翻兜緊之前係Waiting List或去到AC止步嘅同學：HSBC今年嘅Offer出得7788，好彩地並無似19/20年度咁多風浪，而除左有好多同學已經收到Offer外，相信亦有唔少收到更好Offer嘅同學已經Reject咗Offer，所以匯豐都開始左翻兜係Waiting List或之前只係去到AC嘅人選，出電郵問下佢地有無興趣報其他仲有Headcount嘅Division，再邀請佢地做翻相關team嘅Job Sim！希望有2nd chance嘅同學把握機會，拎到Offer
2️⃣多左一啲比較特別嘅Team請人：除左之前有登Job Ad，比較熱門嘅部門如CMB或PBWM等，係翻兜剩下人選時，匯豐仲有問佢地會唔會考慮某啲比較特別嘅部門，如 Issuer Services（屬於Markets & Securities Services嘅後台部門）等，由此可見匯豐今年度係請Intern/MT時資源係足嘅，即使唔係負責搵錢嘅後台一樣有請人
.
📢匯豐有咩新消息？關你咩事？
係剛過去嘅2月23日，匯豐公布去年第四季及全年業績報告，不出所料銀行舊年淨利潤大幅下降，因此未來一年嘅發展策略會有重整：
🔺將發展重心轉向增長快速嘅亞洲市場，大佬要回港坐鎮：呢個重點某程度上代表匯豐確認之前全球發展嘅策略唔太可行！所以佢地就決定要將發展方向放係有錢賺嘅亞洲市場，傳聞中除左匯豐執行長祈耀年外，要由英國總部調回香港坐鎮嘅高管仲有➡️財富和個人銀行業務執行長 Nuno Matos、➡️全球銀行和市場主管Guyett、➡️全球商業銀行業務執行官Barry O’Byrne
🔹關你咩事：由要調回香港嘅高管名單中可見，匯豐將會重點發展係亞洲區嘅1️⃣財富和個人銀行、2️⃣全球銀行和市場、3️⃣全球商業銀行業務，咁大家係下個Recruitment Season報工時就要醒水知報咩啦
.
🔺盡力發展私人銀行管理嘅資產規模：即係Personal Banking &Wealth Mgnt，其實呢點亦同匯豐打算focus亞洲業務嘅策略吻合！匯豐想做亞洲市場，其中一個原因就係亞洲區愈來愈多有錢人，除左香港同SGP呢啲Fin Hub外，HSBC甚至係泰國開設左全新嘅私人銀行業務，擬拓展東南亞市場
🔺PB管理嘅資產規模要追上UBS AG：祈耀年仲提到，行頭大佬UBS AG目前已經管理緊總計約2.6萬億美元客戶資金，而匯豐私人銀行管理嘅資產規模仲未到4000億美元。即係匯豐知道PB仲有龐大發展空間，需要係呢方面搵更多客
🔹關你咩事：係PB入面仲有分RM及Product Specialists，總之RM除左同客戶保持關係外，仲需要搵新客，而如果匯豐銳意發展PB業務，追上UBS嘅水平，咁樣佢地就一定需要請更多有能力嘅RM，即係話下年匯豐PB RM 9成9會增加Headcount
.
🔔2021/22 報匯豐或其他銀行，點增加成功率
尼個小總結先！下年同學報匯豐或其他銀行，甚至係投行，可以留意：
✅報需要人手嘅部門：1️⃣財富和個人銀行、2️⃣全球銀行和市場、3️⃣全球商業銀行
✅睇實銀行最新消息，準備面試：例如之前匯豐嘅VI問過「If u could visit any place in the world, where would u go & why?」咁你係回答時就可以嘗試運用你對匯豐全球發展策略嘅理解，回答同佢地發展方向吻合嘅地方
.
🏦關你報其他投行同銀行咩事？
匯豐嘅發展方向對想入銀行嘅同學來說好重要！除左因為➡️匯豐本身HC較多、➡️請人部門全面（由投行前台到General Bank及後台應請盡請外），➡️亦因佢地嘅策略某程度反映左銀行業嘅發展方向，如若匯豐集中發展亞洲PB業務，其他銀行好似UBS自然要有策略應對，其中一項可能亦係增加人手！所以對你報其他投行同銀行工都有影響！
.
如果你鍾意睇呢類對投行及銀行嘅深入分析，記得俾個 ♥️同Follow #HKCareers💡！咁我地就可以分享更多大學生必知嘅Intern/Grad Job求職資訊俾你！
.
#achievewithus #Internship #Managementtrainee #gradjob #hkunistudents #hku #cuhk #hkust #cityu #hkbu #polyu #hkhsu #dse2021 #dse2022 #dse2023 #hongkong
