4間最多Headcount嘅地產發展商！大學生報地產MT及Intern有咩要留意？
【四大地產發展商嘅猛料背景，你聽過未？】除咗金融業外，地產亦喺香港發展蓬勃嘅行業，唔少發展商都設有非常完善嘅實習或MT計劃！同學去報工時，一定唔可以錯過！而當中有4️⃣間發展商嘅Internship & Grad Programs特別受歡迎同有較多headcount😍！講緊嘅就係✅新鴻基、✅新世界、✅恒隆、✅信和！今次HKCareers唔係想同你講佢地嘅面試進度或報工貼士（如果想我地講都得嘅，你俾個Like話我地知啦！），而係想為你介紹呢四大地產發展商嘅猛料背景！想殺入Property🏠嘅你又點可以唔知道呢幾間地產龍頭嘅背景同創立故事？唔好講咁多啦，快啲♥️完就睇落去啦！
.
1️⃣SHKP 新鴻基
▶️係1972年創立，曾由郭氏三兄弟掌管，佢哋曾經係全球富豪嘅第23名，淨資產高達199億美元💰！
▶️係2008年曾經有報導指佢哋三兄弟出現不和🥵，喺一輪紛爭後，結果喺大哥郭炳湘離開左新鴻基嘅權力核心
▶️不過同學喺報工時更加要留意嘅，喺新鴻基嘅發展方向：新鴻基地產除左不斷開發高檔住宅之外，仲係香港最大嘅甲級寫字樓同埋高檔商場嘅擁有者。香港最高的寫字樓IFC同埋最大嘅六星級酒店四季酒店都係佢哋旗下嘅物業😮
▶️之後2010年落成嘅環球貿易廣場，總共有118層，仲係全球第七高樓👏
.
2️⃣NWD 新世界
▶️於1970年由鄭裕彤博士、冼為堅、楊志雲等人創立👍
▶️1938年，抗日戰爭爆發個陣，鄭裕彤輟學，去左「澳門周大福金行」做學徒。後來仲同金行老闆嘅千金結婚，同年，榮升為金舖嘅掌管💰；之後奉岳父之命，由澳門黎到香港開設分行，最後仲繼承咗埋金行🤩
▶️而係50年代，鄭裕彤係香港時期，開始涉足地產界，不過只係發展左一啲中小型項目
▶️直到60 年代中期，先係佢「一戰成名」嘅時候！當時內地爆發文化大革命，好多富豪都擔心文革會影響香港，又加上六七暴動，越黎越多人打算賣樓移民，令到香港嘅樓市暴跌
▶️當其他人憂心忡忡嘅時候😨，鄭裕彤反而對香港樓市前景充滿信心，不斷趁低吸納，購入唔同嘅物業同埋地皮。而去到70年代中後期，樓市果然暴漲，部分地區樓價更加係短短幾年間狂升十倍，印證咗彤叔嘅遠見，亦都成為左佢事業嘅轉捩點
▶️而新世界近年亦以尖沙咀 Victoria Dockside、炮台山皇都戲院重建同埋機場航天城等大型項目，塑造左全新嘅藝文品牌形象🤓
.
3️⃣Hang Lung 恒隆
▶️創辦人陳曾熙係1960年創辦恒隆，佢曾經係日本留學🇯🇵，返黎香港之後做過同外匯同埋樓宇按揭相關嘅業務，認識到香港地產業的潛力💹
▶️所以陳曾熙就係50年代初離開永隆銀行，同朋友合夥創辦大隆地產，開始涉足地產業🌱
▶️佢嘅細佬畢業回港後亦都幫助阿哥承包建築工程，生意漸漸就做大左。於是就係60年代自立門戶，成立左恒隆有限公司
▶️但如果要講恒隆嘅起源，就不得不提到60年代初同港府嘅一次換地交易🇭🇰：當時港府需要用恒隆擁有嘅九龍荔枝園後方嘅一個山頭去興建瑪嘉烈醫院，於是以何文田山同恒隆作交換
▶️於是恒隆就係嗰度發展左恒信園住宅樓宇，奠定左佢哋日後係地產業發展嘅基礎
.
4️⃣Sino 信和集團
▶️係70年代嘅時候，有一位叫做黃廷方嘅新加坡企業家黎到香港建立左信和集團
▶️雖然佢係新加坡🇸🇬發跡，但其實佢係中國出世嘅，係佢好細個嘅時候就同屋企人移民左去新加坡，一開始經營醬油生意，後尾先轉去投資地產🏠
▶️之後創辦左「遠東機構」，係當地最貴商業地段烏節路嘅地王，打拼左幾十年，2007年起，佢哋家族連續榮登新加坡福布斯富豪榜榜首🤩
▶️之後70年代香港經濟起飛，黃廷方就黎到香港發展，創辦信和集團。當時樓市未成氣候，但佢哋就捉實左呢個機會，建立多座地標式物業，主攻商廈、工廈、商場同埋酒店市場
▶️個陣時嘅新市鎮例如沙田、大埔、馬鞍山、屯門等，都成為左信和集團依家嘅「主場」👏
▶️之後係1991年，黃廷方嘅長子黃志祥接棒上任集團主席，之後就進一步擴張佢哋嘅住宅版圖，選址唔再局限係尊貴地段，反而積極開發唔同嘅新區，成為依家街知巷聞嘅「信和集團」😯
.
同學喺報工前，一定要充分了解公司嘅發展背景同優勢！咁先可以話到俾面試官知，你有幾想加入公司咖嘛！最後，如果你想 #HKCareers 分享更多公司背後有趣嘅故仔💡，咁就記得Follow✅同俾個Like✅我地！等我地為你寫更多有趣同實用嘅行業同求職資訊☺️！
.
