5類Final In必問題目！Final In同其他面試有咩唔同？
同學報工最傷係咩？係過五關斬六將，捱到去Final Round先被踢出局👋🏾！你同Offer之間只差一點點先可以實現⋯⋯不時有同學DM HKCareers哭訴自己係Final In之後無收到消息，只能日日追住睇HKCareers個Interview Status Updates😭 ，睇下有無其他人收到Offer！如果可以Pass到Final In，世界會有幾美好呢？好，就等HKCareers同你整理下5類Final In必問題目，等你可以正確地做準備！咁無論你目標係咩行業，都唔會同Offer 擦身而過！Save完篇文好繼續睇落去！
.
✅目前Intern/ Grad Job Market Final In進度如何？
今年好多公司嘅Recruitment流程都做快左，比往年快咗做Final In。雖然話有唔少投行或Bank MT及Intern已經出緊Offer，但仲有好多program仲做緊Final Superday、AC或面試。而好多地產發展商同Conglomerates只係進行緊第2-3 Round Recruitement，所以你仲有唔少Final In嘅機會！
.
✅Final Round同之前嘅評核有咩唔同？
1️⃣Interviewer👱🏽♂️：大部分MT program去到Final in時，Interviewer一定唔只係HR，而係Division head/ director-grade嘅同事，甚至係你之後有機會跟嘅Supervisior！好多MT program做完訓練後會保證你可以升到某個Grade，例如做完MT可以做RM咁，而iBank Summer Analyst 又好有機會拎到Return Offer，公司花左咁多資源喺請人，去到最後一關時，當然要搵個大粒佬把關！
.
2️⃣問題深度🗣：做VI或HR In嘅時候，大家都會準備好多簡單嘅CV-based/Behavioural Questions。但去到Final In嘅時候，所有Candidates都有返咁上下水平，只係回答到簡單嘅：「點解報呢間公司/Program？」並唔能夠幫公司搵到最適合嘅人選💁🏻♀️問嘅問題都會近似返你以後返工要做嘅事情，仲會睇埋你嘅性格同佢地Team夾唔夾到等
.
✅你有咩問題要準備？
1️⃣有關公司嘅Strategic Planning✍🏼：Final In問題會Strategic啲，例如HKCareers日提夜提同學必須準備嘅Market views，唔只係問你知唔知單新聞，而係考你市況對公司嘅發展策略同業務有咩影響，公司要有咩應對方法等。例如好多地產商鍾意問你覺得我地應唔應該投XX區塊地？如果你連政府有咩地招標緊、塊地有無發展價值都唔知，咁就難啲啦🤭
.
2️⃣Industrial Knowledge及Job duties：再用地產商為例，如果佢問投標流程係點，你又知唔知？如果問Leasing Contracts 有咩Terms，你講唔講到？
.
3️⃣問下Brainteaser睇你夠唔夠醒🧠，好多時Final In問Brainteaser係想睇下你嘅Thinking Process
.
4️⃣你的性格如何你的Offer也必如何☺️：你係面試時嘅語氣態度可以反映出你嘅性格，雖然唔同行業嘅要求會有唔同，但有兩個共通點最好展現出嚟：一係自信，如果你之後會做管理層，連基本嘅自信都冇，點樣去同人溝通或者管人？二係親和力，你之後要代表公司去見客，如果你個人冇咩禮貌又唔有趣，連Interviewer都唔想同你講多兩句，咁間公司又點會請你返去做門面😥？
.
5️⃣Q&A要多問有Sense嘅問題👥！問問題代表你真心對間公司有興趣！而且對份工係有經過思考！所以多問有Sense嘅問題好重要！例如如果你答完你覺得發展商要唔要投XX區塊地，你可以問下Interviewer，以佢咁多經驗尼睇，你係分析上應唔應該再多加考慮邊幾個部分？俾佢Feel到你對工作嘅熱誠同好學！
.
簡而言之，係要俾面試官一個觀感，就係你並唔似一個Intern或Fresh Grad，而係個有business sense，對市況、公司同個人工作都有深入了解同想法嘅人。一將你同上一個Candidate比較就高下立見，咁你先可以脫穎而出！
.
希望每位同學努力完都可以得到成果，順利過埋Final In！但原來Final Round 面試仲有一條大伏問題，只要一答錯，無論個Interviewer幾鍾意你都一定唔會有Offer㊙️！想知條問題係咩？答題策略又係點？咁就係下星期三中午前(22/12），Share個Post去Story，再DM返個Screencap俾 #HKCareers 咁就話個答題你知啦😛
