入行及長期發展必知！成功嘅Private Banker點R客及同客戶建立關係
之前HKCareers💡就出文分析過Citi、HSBC同SCB等大行要倍增AUM，實行大力發展銀行嘅財富管理業務！不過同學諗下就會明，銀行要發展Wealth Mgnt，又點可能只靠（做我地呢啲散客嘅🤪）零售銀行？當然係要依賴Private Banker為佢地R來更多UHNW有錢人，先可以快速而有效地增加銀行嘅資產管理總值！換言之同學如果想真正食住個勢殺入投行同銀行，就一定要望實PB同AM啦！今篇文就等HKCareers為所有想入行嘅同學講解下有料到嘅Private Banker同Asset Manager係點同客戶建立同保持關係👍🏼！唔只係想入行，仲想成為一個成功PB嘅你，就一定要Save同睇清楚呢篇文！
.
⭕️各間投行文化不同？
江湖傳聞投行如花旗、UBS同Credit Suisse係比較Chur嘅，比較需要Private Banker自己搵方法帶新客入去，跑數壓力較大，唔可以只靠銀行入面已有嘅Client Firm List去做事。而亦有傳部分行如DB、JPM或HSBC就比較多Referral客，跑數可能無咁辛苦！不過，如果各間投行都將會投入爭奪AUM嘅戰場，咁無論邊間行都會愈來愈需要Private Banker有能力R到客，你嘅Relationship Building能力將成為致勝關鍵！
.
⭕️Private Banker點搵客？
▶️由其他投行或銀行部門Refer過尼：例如好多時IB或Corp Bank做嘅Client firms，佢地嘅老闆本身就係UHNW或HNW，可以被轉介到PB
▶️由其他舊客Refer：大投行一定會有自己嘅客底，而舊客亦可能不時簡介朋友過尼，成為PB新客！
▶️由前任RM手指流落尼嘅客：當有PB嘅RM退休或移民時，佢地手上嘅客都會有機會流落去，分俾由Assistant RM升上去嘅RM
▶️自己屋企/Connection有錢帶入去：當然亦有部分人係因為家中有錢，可以帶錢入去間投行，而成功入到去做
▶️主動參加不同Business Club：比較主動出擊嘅仲可以參加獅子會、扶輪會等機構嘅活動識人，不同商會都可以俾到好多機會PB嘅RM去識人。所以發展興趣，流連不同場所都係常見嘅Connection Building方法
.
⭕️Private Banker點做Relationship Building?同Asset Manager有咩唔同？
不過以上講嘅方法都只屬於Build Connection嘅領域，去到建立Relationship就有少少唔同啦。成功嘅Private Banker係同客戶Build關係時都會做到：
▶️建立私人關係：呢點其實亦係PB同AM嘅最大分別，Asset Manager面對嘅係機構客戶，而PB就係對私人客戶，當然客戶嘅信任一樣咁重要，但係前者係幫機構做資產管理，後者則係幫私人客自己嘅錢做資產管理。同學試諗下，究竟係機構客定私人客會更加著緊啲錢？當然係幫私人客管佢口袋入面嘅錢會難啲啦！因此PBanker先咁需要同客戶建立私人關係，得到信任。
.
▶️建立有信任嘅關係：得到客戶信任就係Private Banker最值錢嘅地方；好多大客都唔只係睇住間投行個名去放自己嘅錢入尼，而係因為信任不同Private Banker，而決定去選用邊間投行嘅Wealth Mgnt。用一個奇怪嘅例子做比喻，同學你搵開一個髮型師剪頭髮剪左十幾年，對佢嘅手藝好有信心，當你有信心時，你就係為左個髮型師而去某間髮型屋，而唔係因為間髮型屋個名氣大而決定去剪頭髮。換言之，經驗足又成功嘅PB就會慢慢儲左好多客，成為大投行爭住請嘅人⭐️
.
▶️建立長久嘅關係：而如果得到客戶嘅信任，有唔少Private Banker甚至可以同客戶保持多年關係，咁以後R新客嘅壓力都會減少。係長期嘅合作關係入面，Private Banker會愈來愈了解自己個客，好似佢願意承擔幾多風險，點樣落Investment decision先可以幫個客賺到更多錢，搵到更加適合佢嘅投資產品等，令到關係更加穩固同長久！
.
當然，除左識人同做Relationship Building外，Private Banker都需要做好多Pitching！不過今篇文就夠字數啦，如果同學都想睇下PBanker要點做Pitching先可以成功R到客，不如就俾個Like♥️，如果過到250個♥️，咁 #HKCareers 💡就出多篇文講埋佢啦！
