成功故事分享：無咨詢實習經驗要點樣拎到大IT咨詢公司嘅offer？
近年愈來愈多同學對Consulting/Advisory感興趣，熱門程度幾乎追得上銀行界！但報咨詢公司係面試及其他準備上同其他行業有咩分別？點先增加到成功率？就等HKCareers同你分享下Ada嘅成功故事，睇下佢係點係Final Year成功拎到一間大IT Consulting Firm嘅Strategy & Consulting Analyst offer！想入咨詢業嘅你又有咩可以參考，咁就一定要♥️呢篇文！
.
⭕️Ada（化名）嘅背景
▶️畢業時間係12月：Ada本身係外國讀書，由於種種原因畢業時間會係12月，而非大部分MT Program開始on board嘅6/7月。由於Ada唔太熟悉香港公司請人流程，接觸HKCareers嘅時間都偏遲，係10月中先參加Program同埋報工，同HKCareers嘅Consultant傾完後，發現當時有好多MT Programs已經開咗，但正式on board會係7/8月，由於佢都想係畢業後盡快返工，決定除左報MT外，亦會報Consultant建議嘅各個Direct Positions，希望盡快有Offer！
.
▶️對咨詢有興趣，但並無相關工作經驗：Ada本身修讀Business Analytics同Information Decisions相關學科，對IT Consulting一直好有興趣，可惜之前只係地產發展商做過實習，基本上無咩相關行業經驗。所以對轉入咨詢唔係太有信心，需要HKCareers幫手同話佢知點係短時間內Polish份履歷！
.
⭕️Ada想入咨詢業有咩可以做？
根據Ada目前嘅情況，想入咨詢唔係唔可能，但有多好方面要急起直追。由於咨詢公司係揀人時考慮嘅事情同銀行或Property MT都會有分別，所以同學係準備上要留意嘅項目都會唔同。如果你都同Ada一樣對咨詢最有興趣，就要留意：
.
▶️配合咨詢公司要求去全面修改CV：Ada本身無咨詢實習經驗，係佢CV上最大嘅弱點。好彩佢係讀Business Analytics相關學科，近年好多咨詢公司，特別係IT Advisory都鍾意請呢個Major嘅同學，HKCareers嘅CV editor同Ada去做CV Consultation時，都好著重去Highlight佢做過咩相關Projects或科目。後來發現Ada原來係學校做過好多Projects，幫出面不同行業嘅公司做Data Analysis及Business Solutions，呢啲雖然唔係實習，但正正係咨詢公司會睇重同想見到嘅經驗，自然就要幫佢加返上CV嘅當眼位置！好多同學並不知道自己過去邊類嘅經驗最關事，可以幫佢地入到有興趣嘅行業，而當editor一對一咁同同學去討論同執CV時，先可以幫助你根據想入行業嘅要求去執CV！
.
▶️揀適合Consulting Teams及公司去報名：報咨詢公司同銀行或投行有好多相似，亦有好多分別。同係報個刻要選擇Team/職位，異就係咨詢公司並無特別開設MT，同學報工時主要都係報返入門Analyst位。對於想係12月畢業就開始返工嘅Ada來說就更適合啦。根據Ada嘅背景，Consultant同佢傾及訂立報工策略時，亦建議佢主打報Strategy/IT Advisory相關職位，而要避免去報其他佢較不熟悉嘅Team如Risk或Deals Advisory等。而報IT Consulting公司時，其實亦會有不同職位可以選擇，如Tech/Project Management/Strategy & Consulting等。以Ada來說，雖然都識Coding，但程度就未去到好勁，經過討論下Consultant都建議佢揀Strategy，增加成功率！
.
▶️大力練習Case Analysis：Case Analysis最能夠模擬你入左咨詢公司後嘅工作內容，所以咨詢公司會好重視你係AC嘅表現。HKCareers每星期都會同Program Mentees做case discussion，而Ada為左追返進度，都好勤力咁一個月起碼參加兩次練習，熟習做Case嘅流程同技巧，之後Pass AC都易啲
.
▶️同Consulting Coaches做面試練習：由於咨詢業都屬於Service Delivery，Analyst除左要有提供Business Solutions或Srategy嘅能力外，亦需要係面試同AC時展現唔同嘅Soft Skills同性格，如同客戶溝通、項目管理及適應能力等。而最好練習方法，當然就係同來自不同咨詢公司或銀行嘅Coaches做模擬面試，等佢地用行內人嘅角度話你知點樣去對話最好！
.
就係透過以上幾方面，針對住咨詢業嘅準備同報工策略，Ada好快就收到唔同咨詢公司嘅面試，一關過一關咁成功拎到大IT Consulting Firm嘅Strategy & Consulting Analyst offer，可以畢業就直接去返工！
.
好多同學以為 #HKCareers 專做投行同銀行嘅Coaching，但其實我地係咨詢業方面嘅Track Record一啲都唔弱咖😛想入咨詢業嘅你，就一定要Click呢度報名參加我地嘅Program，等我地幫你殺入Consulting💡!
